Главна карактеристика на модата е нејзината креативност и слобода да се изразуваме како што сакаме преку стилот, без никакви ограничувања. Доколку чувствувате дека нешто недостасува од вашиот аутфит или сакате малку да ја промените вашата сигурна комбинација, тогаш хулахопките се она што го барате.
Покрај тоа што топлат и со кратки и со долги здолништа, тие се исклучително удобни, суптилни и многу разновидни. Тајната состојка на одличните модни рецепти е токму ова парче облека.
Еден од шармите е широката палета на бои во кои доаѓаат, како и различните дезени и принтови. Ако сте останале без идеи како „веќе виденото“ да го претворите во „леле!“, еве неколку идеи препорачани од Her Style Code.
1. Интересен принт
Дезен или принт може целосно да го комплетира изгледот, да го направи многу необичен, а во исто време и многу модерен. Затоа ова е првиот чекор кој може да донесе новина во вашите сти. Трендот на дезени на хулахопки владее подолго време и, се чини, тешко дека ќе излезе од мода. Секако, срамота е да се покриваат вакви чорапи, па не двоумете се да ги покажете и да ги носите гордо!
2. Модерен фустан, но уште помодерни хулахопки!
Животинскиот принт постојано се враќа во светот на модата, а животинските дезени на хулахопки никогаш не го напуштиле тој свет. Можат да се комбинираат на различни начини, но леопардскиот принт одлично оди со обичен црн фустан, на пример. Можете да си играте со боите, како и со какви додатоци да додадете на таа комбинација, но не треба да претерувате бидејќи овој принт се носи сам по себе.
3. Колку поинтересно, толку повпечатливо!
Ако ви се допаѓа некој „полуд“ дезен и боја, не срамете се да го претставите како што заслужува. Иако е захтевно да носите некој детал од светла боја кој е повпечатлив од вообичаено, бидете сигурни во едно – можете да оставите само позитивен впечаток. Ќе изгледате посветло, можеби полудо, можеби тотално дизајнерско – зависи од вас! Слободата е во ваши раце или подобро кажано, во вашите нозе.
