Нашата коса, како и кожата на главата, трпат разни препарати кои ги користиме за разубавување, но сепак има работи за кои не сме свесни кога станува збор за тој дел од телото.
Иако ја забележуваме секоја линија, брчка или мозолче на лицето, често го игнорираме фактот дека истата кожа продолжува и на остатокот од главата, што го „гледаме“ помалку отколку што треба. Познато е дека стареењето на скалпот има многу негативен ефект врз нашата коса, но постојат начини да го спречите тоа.
Како старее скалпот?
Како и со секоја кожа, производството на колаген и еластин во скалпот се забавува како што старееме. Тоа значи дека скалпот станува потенок и има помала еластичност. Со текот на времето, скалпот не може да ја задржи влагата како порано и се дехидрира побрзо. Станува сува бидејќи лојните жлезди произведуваат помалку себум, а меланинот, кој ѝ дава боја на косата, забавува, како и растот на косата.
Дури и факторите на животната средина и начинот на живот како што се загадувањето, оштетувањето од сонце, пушењето, стресот, честите хемиски третмани… во голема мера придонесуваат и го влошуваат стареењето на скалпот.
Кожата на главата содржи рецептори за мирис
Истражувањата покажуваат дека скалпот има уникатен рецептор за мирис наречен OR2AT4, така што нашите фоликули на косата можат да чувствуваат мириси. Она што е неверојатно е дека кога овие рецептори ќе дојдат во контакт со мирисот на сандалово дрво, тоа го стимулира растот на косата.
За жал, тоа не значи дека можете да продолжите и да ја испрскате косата со мириси од сандалово дрво и да добиете бујна коса, но научниците во моментов истражуваат начини како да го користат сандаловото дрво како потенцијален „лек“ за ќелавост.
Губење на косата
Постојат многу причини зошто може да доживееме опаѓање на косата. Има промена во исхраната, силен или продолжен стрес, болест или реакција на нов лек. Сепак, опаѓањето на косата е забележливо само три до шест месеци по овие промени.
Стресот ги става фоликулите на косата во фаза на предвремен одмор на раст на косата, поради што може да забележите повеќе опаѓање на косата при чешлање. За среќа, ова ненадејно опаѓање на косата не е трајно и може да се врати во нормала откако ќе поминат трауматските искуства.
Третмани
За да го забавите стареењето на скалпот и се што доаѓа со него (како дехидрација и појава на првут), најдобро е да почнете да ја „храните“ вашата кожа. Како што се користат кремите против стареење за лице, така се користат и разни маски, шампони и други „лубриканти“ за скалпот. Најдобро е да барате антиоксиданси, протеини и цинк во состојките.
Едно е сигурно, колку повеќе информации собереме за делови од телото за кои вообичаено не ни е грижа, тоа може да ни донесе големи промени во секојдневниот живот, советува InStyle.