Многу луѓе на новогодишната ноќ завршија со дамки на облеката – јакна, панталони, кошула, фустан. Денеска веќе можете да се распрашате за најблиската продавница за хемиско чистење, а можете и сами да го спасите парчето свечена облека…
Доколку имате трага од црвено или бело вино, ликер или пиво, постојат едноставни решенија за нив.
Црвено вино – Најдобро е да ја натопите дамката прво со топла вода, а потоа со кој било производ што содржи течен кислород. Течниот кислород се користи за правење многу средства за чистење, но го содржат и разни тонери за лице, креми и слично. Користете кој било од овие производи и оставете го да делува два до десет часа, а потоа само измијте со топла вода.
Бело вино – Делот од облеката каде што има дамка од бело вино ставете го под млаз млака вода и тријте го со детергент или сапун, а потоа исплакнете. Ако не ја отстраните, 70 проценти алкохол ќе ја исчисти. На крајот, исплакнете со вода.
Ликер – Истријте ја дамката со сапун и исплакнете со млака вода. Ако не се отстрани, исчистете ја со разреден алкохол.
Пиво – Дамките од пиво лесно се отстрануваат. Третирајте ја дамката и исплакнете со раствор од кујнска сол и вода (две лажички сол во една ракијска чашка вода). Овие дамки може да се отстранат со топла вода и детергент или сапун. Можете да го отстраните пивото од белите ткаенини со хидроген раствор за коса (3%), а потоа добро да го исплакнете со вода. Меѓутоа, чистењето е поефикасно ако ја намокрите дамката со памук натопен во алкохол, како на лицето, така и на задниот дел од ткаенината. После тоа, посипете ја дамката со брашно, четкајте, а потоа исплакнете. Погрижете се да ги миете синтетичките материјали со топла вода и детергент.
Сосови – Избришете ја исушената дамка од ткаенината, а потоа оставете ја потопена во ладна вода половина час. Потоа истријте со сапун или детергент и измијте. Ако дамката сè уште е таму, обидете се да ја натопите областа со бел алкохолен оцет.
Чоколадо – Најпрво изгребете ја исушената дамка, а потоа измијте ја со раствор од детергент. Подобар ефект ќе постигнете ако по стругањето местото го натопите со бензин и го исушите со фен. Потоа убаво исчеткајте. Алкохолот исто така успешно ги чисти дамките од чоколадо.
Парфем – Измијте ги свежите дамки од парфем со топла вода или алкохол. Во исто време, полесно е да се отстрани дамката од синтетички материјал отколку од природен материјал. Ако е памук, посипете ја дамката со прашок и потоа натопете ја во алкохол и оставете ја да се исуши. Потоа четкајте со чиста четка.