Јорганите треба редовно да се мијат
И покрај тоа што на јорганот оди навлака, за која многумина мислат дека ја впива целата нечистотија, тоа навистина не е така. Во јорганот влегуваат мртви клетки на кожата, пот, бактерии, грини и други микроорганизми. Поради ова, со текот на времето во јорганот се акумулираат многу микроби, кои можат да бидат исклучително штетни и да предизвикаат алергиски реакции.
Миењето на јорганот на секои неколку недели треба да стане правило. Доволно е да ги измиете јорганите на 40 степени, но доколку сакате да елиминирате што повеќе бактерии, можете да ги перете и на 60 степени. Центрифугата треба да биде ограничена на максимум 1000 вртежи.
Еден мал трик ќе му помогне на јорганот да ја задржи својата оригинална форма. Ставете неколку тениски топчиња во барабанот на машината пред перењето.
Штом машината ќе заврши со перењето, извадете го јорганот и прострете го. Ако користите машина за сушење, поставете ја на најниска температура.