Санкањето или лизгањето е добра и безбедна опција, но дали собравте храброст да ги испробате кралевите на зимските спортови оваа година?
Доколку сакате да пробате еден од овие два спорта, но не сте сигурни кое е најдоброто решение или најбезбедното, тогаш ова е вистинскиот текст за вас, вели „Fasterskier.com“.
Една даска или две даски – верувајте, изборот значи многу повеќе отколку што изгледа, затоа се води „студена војна“ меѓу спортистите од овие дисциплини. Не плашете се од вашето незнаење на патеките само затоа што има други луѓе кои би можеле да бидат подобри од вас. На крајот на краиштата, ова е само спорт и секој спорт бара вежбање.
Скијање
Скијањето секако е полесно за учење, но потешко е да се усоврши. Во превод – ќе научите лесно да сопирате, но има многу трикови за правилно скијање кои бараат трпение и време. Се е до техниката.
Кога сте почетник, лесно и брзо ќе ги совладате основните чекори, а ние ќе се надоврземе на тоа што нозете ви се одвоени, за разлика од сноубордот. Ова е голема предност кога станува збор за чувството дека можете да паднете или да се лизнете, бидејќи само треба да замислите дека нозете ви се испружени и ги правите скиите дел од себе. Она што е исто така предност е што се ќе се случува пред вас, а не од вашата страна како во случајот со сноубординг.
Сноубординг
Што се однесува до овој спорт, ќе ви треба повеќе трпение кога станува збор за почетокот и може да биде обесхрабрувачки. Значи, прво мора да научите како сами да застанете на сноуборд. Кога ќе го научите тоа, тогаш постои посебна техника на сопирање, но со тоа доаѓа и многу паѓање. Не плашете се од паѓање, тоа не е страшно, едноставно е тешко да станете кога сте почетник, па затоа е подобро да имате некој со вас кој ќе ве учи или стопирајте скијачи и сноубордери кои ќе ви помогнат да станете.
Но, неуспесите можат да бидат добар поттик да се обидете повторно, само што секој пат ќе бидете се подобри и подобри. Затоа овој спорт најдобро се учи преку падови. Да не заборавиме, спортистите советуваат заштитници за колена чисто за заштита на колената, но и облеката во случај на паѓање. Откако ќе ги совладате основите на сноубординг и ќе се навикнете да мора да контролирате една даска со двете стапала прицврстени, триковите за подобрување ќе ви дојдат сами.
Затоа, доколку сте одлучиле кој спорт ви изгледа подобар или позабавен, ве советуваме сепак да земете неколку часови тренинг за овие спортови.
