Огромен број на прељубници не би му простиле на партнерот за потенцијалното изневерување, покажа новото истражување.
Малку повеќе од 2.000 луѓе кои биле анкетирани во текот на истражувањето имале задача да одговорат на едно од прашањата поврзани со тоа дали ќе му простат неверство на партнерот.
Резултатите покажуваат дека испитаниците имале двојни стандарди во однос на тоа што претставува прифатливо однесување за нив во однос на стандардите на однесување што не ги очекуваат од нивните партнери.
Па какви резултати добиле?
Откриено е дека неверојатни осум од десет луѓе ќе ги напуштат своите партнери откако ќе го откријат нивното неверство во врската. Резултатите покажаа и дека прељубниците повеќе би сакале да останат во незнаење дека и тие биле изневерени, т.е. 58 отсто се согласуваат дека повеќе би сакале да не ја знаат оваа крајно непријатна информација.
Сите анкетирани потврдиле дека физичката интимност се смета за неверство, како и сајбер изневерувањето, што 94 отсто од испитаниците го сметаат за неприфатливо. Околу 74 отсто веруваат дека емотивното изневерување е исто така изневерување, додека 21 отсто се согласиле дека гледањето порнографија е исто така неприфатливо. Интересно е што само 14 отсто мислат дека и флертувањето е прељуба.