Популарниот актер Хоакин Феникс (48), кој ја воодушеви публиката ширум светот кога го глумеше Џокерот, реши повторно да ги изненади фановите со улогата во новиот филм „Beau Is Afraid“.
Хоакин глуми невротичен човек кој тргнува на патување за да ја посети својата мајка, а актерот изгледа целосно непрепознатливо.
Популарниот актер изгледа постар отколку што е и има лузни на лицето. Сед е и изгубен, па повторно успеа да ја изненади публиката со својата филмска трансформација.
„Beau Is Afraid“ е американска надреална хорор-комедија напишана, режирана и продуцирана од Ари Астер. Трејлерот започнува со вознемирувачки момент од детството на Бју, додека тој се сеќава на комплицираниот однос со својата мајка.
Премиерата на филмот треба да биде на 21-ви април 2023 година.