Во четвртокот, принцот Вилијам и принцезата Кејт ја посетија новоотворената Универзитетска болница Royal Liverpool и добротворната организација „Open Door Charity“ во Биркенхед, Англија. Тоа беше нивно второ појавување во јавноста по објавувањето на книгата „Spare“ на принцот Хари, во која тој упати низа обвинувања против својот постар брат.
Иако се шпекулира дека биле тешко погодени од признанието на Хари, принцот и принцезата од Велс изгледале одлично расположени за време на официјалната посета. Сепак, Вилијам не успеа да избегне прашања за мемоарите на неговиот брат ниту во добротворното здружение, за што сведочи видеото на ITV.
The Prince of Wales did not respond when asked if he’d “had a chance to read your brother’s book at all” during a visit to the Open Door Charity in Liverpool todaypic.twitter.com/wylvaYE556
— Lizzie Robinson (@LizzieITV) January 12, 2023
„Ваше кралско височество, дали воопшто имавте прилика да ја прочитате книгата на вашиот брат?“, му довикна двапати еден од новинарите, но Вилијам не одговори на прашањето и ја напушти зградата со сопругата.
За потсетување, во книгата Spare, Хари меѓу другото тврди дека Вилијам физички го нападнал во жарот на расправијата. Расправијата, наводно, започнала откако Вилијам ја нарекол сопругата на Хари, Меган „тешка“, „дрска“ и „абразивна“.
„Сè се случи толку брзо. Ме фати за јаката, ми го скина ѓерданот и ме собори на подот“, напиша војводата од Сасекс.
