Познатата холивудска актерка Кејт Винслет ја воодушеви светската јавност со гест кон млада новинарка, а видеото од нејзиниот чин стана вирално на социјалните мрежи.
Винслет моментално го промовира својот нов филм како гостинка во бројни емисии, а неодамна даде интервју по тој повод за германската телевизија ZDF.
Тогаш дозна дека на младата новинарка Марта ѝ е прво интервју во кариерата, а иако сме навикнати на тоа дека ѕвездите се главно арогантни и често непријатни, она што го направи актерката кога го слушна тоа го воодушеви целиот свет.
Имено, таа ја охрабри младата новинарка и со насмевка и се обрати со зборови полни со нежност.
Kate Winslet reassuring this young girl that her interview will be amazing is the most precious thing I’ve ever seen pic.twitter.com/sm0D5FWWsM
— Liv Marks (@OliviaLilyMarks) January 9, 2023
– Прв пат го правиш ова? Па, знаеш што, кога ќе го направиме ова интервју, ќе биде најдобриот разговор досега – и знаеш зошто? Затоа што решивме дека така ќе биде. Штотуку решивме, јас и ти, дека ова ќе биде фантастично интервју. Можеш да ме прашаш што сакаш и не се плаши, се ќе биде неверојатно – рекла актерката и со ова го воодушеви светот.
Снимката од овој разговор брзо се прошири на социјалните мрежи, а луѓето ја пофалија Кејт, посочувајќи дека на овој начин покажала како треба да се однесува вистинска ѕвезда.