Авокадото или „алигаторска круша“ своето име го должи на изгледот кој наликува на круша, но со „алигаторска кожа“. Вкусното тропско овошје во последниве години станува сè попопуларно кај нас.
Покрај кремастиот вкус, поради што се додава во намази и салати, сакано е и по својот состав, пред се за здравите масти кои го штитат срцето, како и бројни витамини и минерали. За жал, за да можеме да уживаме во вкусно авокадо, често мораме да почекаме неколку дена да созрее, бидејќи во продавниците најчесто пристигнува незрело. Иако бојата на кората може да помогне при изборот, таа не е секогаш најдобар показател за зрелоста.
За да проверите дали е подготвено за јадење, земете го стеблото – ако можете лесно да го извадите, а кората одоздола е светло зелена, авокадото е подготвено за јадење. Ако стебленцето не може да се излупи, потребно е да се почека уште малку за целосно созревање на авокадото.
Можете да го земете авокадото во рака и нежно да го стиснете за да проверите дали е зрело. Ако не подлегне на благ притисок, ќе биде зрело за неколку дена – околу четири до пет. Доколку сакате да го забрзате зреењето, најдобро е ваквото авокадо да го чувате на собна температура во хартиена кеса со јаболко или банана, што ќе го забрза процесот.
Ако авокадото лесно се стиска, тоа е подготвено за јадење. Зрелото авокадо може или нема да има потемна боја. Малку е меко на допир, но не е премногу меко. Зрелото авокадо чувајте го во фрижидер за да не презрее или изгние пред да го послужите.
Презрелите авокадо се многу меки на допир и често имаат дупки, како и области со потемна боја. Расипано или презрело авокадо има непријатен мирис кој понекогаш се споредува со мирис на тиква.