Ова е многу брза и многу едноставна диета.
Со оглед на тоа што јаболката се здраво овошје, богато со хранливи материи, нема да претставува некои големи ризици, но не треба да се практикува повеќе од 3-5 дена. Имајте на ум дека диетата е рестриктивна и треба да се консултирате со вашиот лекар пред да ја практикувате. Исто така, доколку во одреден момент почувствувате дека вашето здравје се влошува, задолжително прекинете ја диетата.
Диетата се нарекува и диета од 5 јаболка на ден, која всушност опишува како да се јаде додека сте на оваа брза диета со јаболка, со варијации каде зеленчук или цедено овошје се дозволени вториот и третиот ден.
Прв ден на брзата диета со јаболка
Треба да изедете по едно јаболко за појадок, прва ужина, ручек, втора ужина и вечера. Значи вкупно 5 јаболка. Големината и видот на јаболката не се наведени во планот за исхрана, па затоа изберете ги по сопствена желба.
Втор ден на брзата диета со јаболка
Јаболката се јадат за појадок и ужина, а за ручек и вечера, заедно со јаболкото, треба да изедете и порција малку варен зеленчук. Што значи дека зеленчукот ќе го сварите и ќе го зачините само со сол и бибер.
Трет ден на брзата диета со јаболка
Третиот ден за појадок и ужина изедете по едно јаболко, а за ручек и вечера варен зеленчук, со малку сол и бибер, дополнително зачинете со малку цеден сок од лимон, а после јадење испијте чаша свежо цеден овошен сок по ваш избор или мешавина од овошје. Важно е сокот да е свежо исцеден, и да не додавате шеќер
На 4-тиот и 5-тиот ден се повторува планот на исхрана, па јадете исто како и третиот ден.