Без разлика на тоа колку експерти и медицински работници предупредуваат дека мора да се грижиме за хигиената на нашиот дом, има многу кои сè уште ги игнорираат овие совети.
Истражувањето на научниците од британскиот универзитет „Оксфорд“ покажало дека некои луѓе ја менуваат постелнината само еднаш годишно. Да, да, добро прочитавте. Само еднаш.
И во ред, овој пример е навистина екстремен, но факт е дека луѓето овде го прават тоа обично еднаш на две недели, и тоа е голема грешка.
Постелнината мора да се менува еднаш неделно, а почесто во лето. За време на спиењето, телото се поти, површинските клетки на кожата, косата паѓаат… на тој начин се создаваат бактерии, па може да се појават алергии и инфекции – но луѓето не се грижат за тоа, вели британскиот доктор Кајл Грант.
Сега, за да бидете апсолутно сигурни дека спиете во чист кревет и меѓу миризливи чаршафи и дека не делите постелнина со бубачки и други паразити, има неколку работи кои можат да ви помогнат да верувате дека всушност добро ги перете алиштата и постелнината.
Преполна машина
Денешните машини се поголеми од било кога. Ако сте во искушение да вметнете само уште една работа – немојте. Дури и најголемата машина има свои ограничувања. Кога е полна, водата и детергентот не можат да се мешаат и да стигнат до сите работи во барабанот. Преполната машина исто така предизвикува абење и прекумерно туткање на облеката.
Несоодветна количина на прашок
За да имате најдобри резултати при перењето, следете ги до буква инструкциите на етикетите на облеката и кесите за прашок. Ако облеката е навистина валкана, ставете малку повеќе од препорачаната големина.
Секогаш истата програма за перење
Не можете да перете различни видови ткаенини и алишта на иста програма. Променете и приспособете на вашите потреби. Потоплата вода и високите температури полесно ги мијат дамките, а помалите вртежи ги прават работите помалку стуткани.
Исклучете ја водата
По перењето на алиштата исклучете ја водата што ја „зема“ машината за време на перењето. На овој начин ќе спречите оштетување на овој домашен апарат, можни поплави и дополнителни поправки