Манекенката Емили Ратајковски неодамна присуствувала на модната ревија на „Marc Jacobs“ во Њујорк, а во оваа прилика ја покажала и новата, кратка фризура.
Судејќи според фотографиите, станува збор за перика. Емили носела проѕирен топ без градник, тесни кафеави панталони и кратка јакна во истата нијанса.
Во коментари, следбениците го пофалиле нејзиниот изглед.
„Фризурата и аутфитот совршено ти прилегаат“, „Феноменален изглед, ме потсетуваш на Натали Портман“, ѝ порачале фановите.
За потсетување, Ратајковски и комичарот Пит Дејвидсон одлучија да ја прекинат својата љубовна врска по помалку од 2 месеци. Пит неодамна беше забележан на хокеарски натпревар во друштво на актерката Чејс Суи Вондерс, а со оглед на тоа што парот сè почесто е виден во јавноста, многумина сметаат дека Пит и Чејс се во врска.
Од друга страна, Емили беше видена во друштво на диџејот Оразио Риспo, а веќе започнаа да се шират шпекулации за тоа дека двајцата имаат сериозни планови.