Пензионираната фудбалска ѕвезда Жерар Пике и неговата нова девојка Клара Чиa Марта беа фатени од печатот расположени додека шетаа по улиците на Барселона. Одговарајќи на новинарски прашања во лет, Пике се обиде да ги премолчи гласините за нападот на анксиозност што наводно го имала Клара Чиа, а беше објавено и дека е примена во приватна клиника на лекување.
„Напад на анксиозност? Напад на анксиозност? Да се има напад на анксиозност е многу сложено. Ве молам, навистина“, рече тој низ смеа. Клара не одговори ништо, но покажа и одлучна и весела страна и почна гласно да се смее.
На прашањето дали го слават 24-тиот роденден на Клара на 7 февруари, Пике веднаш одговори дека специјалниот ден на неговата девојка не паѓа на тој датум.
“Што велиш? Мислам дека грешиш. Убав обид, искрено, беше многу добро, да бидам искрен, одлично си поминавме”, се пошегувал тој.
Двојката одеше доста брзо, се држеа за раце и изгледаа блиски, а Пике се обиде со своето тело да ја заштити Клара од камерите, на која не и се допаѓа баш најдобро нејзината новооткриена слава, бидејќи до врската со фудбалерот таа живееше нормален живот како студент по односи со јавноста. Таа во еден момент удрила во билборд, но за среќа се поминало без никакви повреди. Тие продолжија нормално да одат, а Пике низ смеа ја прегрна заштитнички.
Според она што го видовме, може да се каже дека цветаат рози во свежата љубовна врска, но и дека со агресивното прикажување на среќата, фудбалерот сака да и додаде сол на раната на својата поранешна партнерка Шакира, која не го поднесе спортски љубовниот пораз. Колумбиската музичка ѕвезда го запали интернетот со одмаздничка песна, насловена „Music Sessions, Vol. 53“, која ја изведе со аргентинскиот диџеј Бизарапа. Деловно, тоа е одличен потег бидејќи песната беше преслушана 63 милиони пати за само еден ден, што ја прави најслушана латиноамериканска песна на YouTube во еден ден.
Пике возврати со првата заедничка фотографија со Клара на Инстаграм, на кој нормално не е премногу активен. И Шакира и Пике се родени на 2 февруари, таа наполни 46 години, тој наполни 36 години, таа славеше на забава за тесен круг на семејството и пријателите дома, а тој ден во јавноста се појави со Клара.