Првиот впечаток е најважен, а за да се прикажете во најдобро светло, избегнувајте ги следните грешки
И жените и мажите грешат кога се запознаваат, а сите знаеме дека првиот впечаток е најважен.
Ако сакате да привлечете маж, никогаш не треба да ги правите овие работи:
- Потпирање на алкохолот како техника за освојување
Изгледа дека алкохолните пијалоци ги прават магичните бакнежи уште помагични. Сепак, внимавајте да не стекнете навика и на првиот состанок без алкохол да се разочарате – или да го разочарате него.
- Навредувањето не е флертување
Во своите дваесетти, многу девојки се случува да паднат на некој дечко кој, суптилно или не, прави да се чувствуваат безвредно. Немојте да мислите дека тој така се обидува да ве освои.
- Редовна комуникација преку пораки, никогаш лично
Точките, запирките, малите и големите букви (особено ако не ве бива во правопис) не се ниту поглед, ниту парфем, ниту насмевка. Без разлика колку смајлиња сте ставиле. Користете го вашиот мобилен само за да договорите состанок!
- Озборувањето луѓе од ист пол за да бидете први во неговите очи
Ја знаеш таа русокосата? Колку глупаво се облекува! И има мозолче на челото, и стои како рог, а ноктите и се неуредни. Ужасна е! Не, така дефинитивно нема да му се допаднете. Само ќе ве смета за лоша личност.
- Заплеткани врски
Ако почнете да се гледате со најдобриот пријател на вашето поранешно момче, неизбежно ќе налетате на него, тој ќе застане да ви се јави и ќе се најдете во непријатна ситуација и веројатно ќе бидете црвени како булка во следните два часа. Освен, се разбира, ако не се скриете под масата. Размислете дали сакате да бидете во таква ситуација.
- Флертување со поранешното момче на вашата најдобра пријателка
Дали е потребно објаснување?
- Разговор за бившиот уште на првиот состанок
Никој не сака да го слуша ова. Навистина.
- Не сте му поставиле ниту едно прашање
Цело време зборувате само за себе, за себе и за себе. Ќе ви биде тешко да постигнете нешто повеќе од тоа да го натерате да ја плати сметката (и тоа само за да се извлече што е можно поскоро). Прашајте го и него нешто – на пример, дали има домашни миленици, која е неговата омилена книга, за кого навива…
- Допирање на самиот почеток
Разменивте само неколку реченици, но ја ставивте раката во неговата и го нарекувате срце? Или ја ставате раката во задниот џеб од неговите панталони додека одите? Ако сте таква личност, не би било лошо да запознавате момци на интернет некое време. Додека не влезете во форма.
- Бомбардирање со пораки доцна во ноќта
Под дејство на алкохол испраќаме пораки кои ни изгледаат фантастично (во тој момент), додека во очите на читателот тие се тажни. Смешни.