Нашата коса често е изложена на високи температури, бои и киселина за да изгледа токму онака како што сакаме да изгледа и што е во мода во тој момент. Но, често не размислуваме колку, со експериментирање, всушност и штетиме и правиме косата да ја изгуби убавината.
Еден од најчесто користените уреди во повеќето куќи е пеглата за коса. Меѓутоа, честопати ги повторуваме истите грешки кога ја исправаме косата.
Ова се најчестите грешки кои упорно ги повторуваме:
1. Користење на погрешни шампони и регенератори
Рутината на разубавување и нега на косата започнува со миење. Вообичаено е навика да се мие пред да се стилизира, но веќе таму може да се провлече грешка која подоцна ќе остави силен белег.
Имено, важно е да изберете шампони и регенератори кои ќе ја омекнат косата и ќе и дадат свиленкаст ефект. Ова е важен заштитен фактор при пеглање на косата подоцна.
2. Избегнување на спрејови за заштита од топлина
Ако вашата цел е да ја заштитите вашата коса што е можно повеќе, важно е да користите производи наменети за оваа намена.
Постојат спрејови, капки и масла кои ја штитат косата од високи температури и се одлично оружје во оваа жешка битка.
3. “Што чади?”
Ако видите пареа додека ја пеглате косата, не продолжувајте да ја користите пресата додека не утврдите што е работата.
Имено, постои можност косата да не ви е доволно сува, па ја „пржите“ со користење на пегла, лишувајќи ја од природната внатрешна влажност. Затоа, прво дополнително исушете ја косата со фен или оставете да се исуши природно, па продолжете. Во спротивно, косата ќе доживее двојно оштетување.
4. Долго пеглање
Ако ви се чини дека ви треба долго време за да ја исправите косата, тогаш веројатно не го правите тоа на најефикасен начин. Не ја исправајте „како што сакате“, туку поделете ја на уште помали делови, како што прават професионалните фризери.
Погрижете се да ги отплеткате прамените и темелно да ја исчешлате косата пред да ги нанесете жешките плочи на пеглата на неа. Автоматски ќе ги поминете тие делови помалку пати, бидејќи ви требаат само најмногу две поминувања за да ја исправите косата и можете веднаш да продолжите.