Овде се одлучувачки малите детали
Колку често ви се мрси косата зависи од многу фактори, пред се од типот на косата и типот на скалпот. Сепак, со мали трикови можете да влијаете на тоа. Подолу ви пренесуваме совети како да ја одржувате вашата коса чиста што подолго.
- Кога се туширате, задолжително врзете ја и покријте ја косата за да не допира пареата од тушот. Идеално би било да користите капа за капење, но ќе ви биде од помош и крпа врзана околу главата.
- Одличен сојузник во одржувањето на вашата коса чиста е шампонот за суво миење. Имајте на ум дека треба да го нанесете ден пред вашата коса да стане мрсна.
- Фризурата најмногу се оштетува во текот на ноќта, односно за време на спиењето, па затоа би било идеално да спиете со свилена капа која ќе ја одржува вашата фризура постојана или барем да користите свилена навлака за перница.
- Рацете многу често несвесно ни се во косата, односно многу често со рацете ја допираме косата. Обидете се да го избегнувате тоа што е можно повеќе, бидејќи најмногу ја мрси вашата коса.
- Погрижете се сите производи што ги користите при миење на косата добро да ги исплакнете од скалпот и косата.