Многу парови се соочуваат со ова.
Жените можат да изгубат интерес за интимен однос само една година по почетокот на врската, покажува британската студија објавена во „British Medical Journal Open“.
Истражувањата покажаа дека и мажите и жените можат да доживеат пад на еротскиот нагон, но жените, според студијата, многу побрзо доживуваат пад на либидото.
На жените побрзо им здосадува
Вообичаено е да се чувствувате како работите во вашиот кревет да станале малку здодевни, но една нова студија тврди дека чувството може да се појави многу порано кај жените отколку кај мажите. Студијата на британските истражувачи опфатила 4.839 мажи и 6.669 жени кои одговарале на прашања за нивниот став кон интимните односи. Од анкетираните, 15 отсто од мажите и 34 отсто од жените изјавиле дека нивниот интерес за интимни односи целосно се намалил по една година врска.
Иако сите испитаници изјавиле дека се помалку заинтересирани за интимност, особено со годините, жените во врска рекле дека тоа се случува многу побрзо. Всушност, според истражувањата, жените пријавиле недостаток на интерес за интимност по повеќе од една година во врска.
Пад на либидото кај двата пола
Ова се совпаѓа со вториот дел од истражувањето, кое тврди дека жените со три или повеќе партнери во изминатата година имале помали шанси да пријават помали еротски нагони од оние кои имале интимни односи само со еден партнер. Жените исто така страдале од ниско либидо двапати почесто од мажите. И двата пола ги наведоа физичкото и менталното здравје, лошата комуникација и недостатокот на емоционална поврзаност како причини зошто повеќе не се толку заинтересирани за интимен однос со партнерот.
Комуникацијата ја спасува врската
Сепак, она што се покажало корисно во оваа ситуација е отворената комуникација која може да помогне во решавањето на овој проблем. Паровите кои имале добра комуникација генерално станале позадоволни од својот интимен живот. Како и кај повеќето прашања во врската, разликата во нагонот понекогаш може да се надмине со отворена комуникација.
Има многу работи кои можат да предизвикаат ниско либидо, но првиот чекор во нивно решавање е отворено да зборувате за вашиот интимен живот, за какви било проблеми или прашања што вие и вашиот партнер ги имате на ум. Ако го направите ова на нежен начин, веројатно ќе имате многу поголем успех.
Вие диктирате колку интимност ви е доволна
Не постои одреден број кој одредува колкава интимност треба да имате во врската на почетокот или како што напредува. Она што функционира за вас и вашиот партнер е единствената вистинска мерка. Затоа довербата и разговорот се единственото вистинско решение за взаемно интимно задоволство.