Видеата на кои се гледаат Жерар Пике (36) и неговата нова девојка Клара Чиа (23) пред луксузен ресторан во ЛА станаа вирални.
Очигледно сопственикот не ги пушти во неговиот ресторан бидејќи е голем обожавател на Шакира.
„Клара Чиа и Пике сакаа да вечераат во ресторан во Лос Анџелес во сопственост на огромен обожавател на Шакира. Тој лично ги избрка“, се вели во описот на видеото на TikTok на кое се гледа како парот се врти надвор од ресторанот, а потоа нервозно влегува во автомобилот и заминува.
@sab4zo
„Тоа е негов ресторан, може да клоца кого сака“, „Сопственикот на ресторанот и е полојален на Шакира отколку што некогаш бил Пике“, „Еве што се случува кога јадеш џем од јагоди“, „Клара го доби тоа што го заслужи“, „Требаше да ги пушти и цело време да ја пушта песната на Шакира“, се дел од коментарите.
За потсетување, Пике неодамна на Инстаграм ја објави првата заедничка фотографија со својата нова девојка која предизвика бројни негативни коментари бидејќи наводно ја изневерил Шакира со неа. Многумина му велеа дека „ги уништува животите на своите деца“ и дека „треба да се срами од себе“.
На социјалните мрежи се вртеа гласини дека Шакира ја открила аферата на Жерар Пике поради празна тегла џем од јагоди. Нејзината нова песна во која зборува за изневерувањето на бившиот сопруг, за само два дена на Јутјуб собра над 86 милиони прегледи.