Зачувајте го мирисот и свежината на облеката
Постојат неколку трикови со кои можете да го продолжите мирисот и свежината на испраните алишта за неколку дена, а со некои трикови мирисот ќе трае со месеци.
- Парфем и марамче
Наместо да го испрскате парфемот директно на облеката, испрскајте го на марамче и ставете го во плакарот. Мирисот дефинитивно ќе се рашири, облеката ќе го впие, а доброто е што нема да ги оштетите или извалкате вашите омилени работи.
- Освежувач за автомобили
Да, можете да ги користите и во гардероберот. Изберете некои поблаги мириси на таканаречените борови, завиткајте ги во марамче или крпа и ставете ги во фиока. Ќе мириса со месеци.
- Зрна кафе
Освен што ги апсорбираат сите лоши мириси, зрната кафе ќе го шират својот мирис. Наполнете мал сад со зрна, направете неколку дупчиња на капакот или алуминиумската фолија со која сте го покриле и ставете го во шкафот. Менувајте го еднаш месечно.
- Етерични масла
Исто како и со зрната кафе, можете трајно да ја намирисате облеката со есенцијални масла. Додадете неколку капки во машината за перење за време на последниот циклус на перење или ставете ги на марамче/крпа и ставете ги во плакарот.
- Сапун
Еден од најстарите трикови што многумина го користат и денес е ставањето тврд сапун помеѓу работите. Сè што треба да направите е да го завиткате во хартиена крпа или само да го ставите во шкаф во оригиналното пакување.