Шампоните обично траат 18 месеци по отворањето или три години ако не се отворени. Употребата по истекот на рокот може да има потенцијално опасни последици.
Сепак, повеќето од нас веројатно не се ни сеќаваат кога сме го отвориле шампонот. За среќа, постојат назнаки кои можат да ви помогнат да одредите дали рокот му е истечен. Некои од нив се: шампонот ја променил бојата, изгледа груткасто, има чуден мирис итн.
Шампонот со поминат рок не е доволно ефикасен и ќе направи вашата коса да изгледа валкано. Поради промената на составот може да предизвика чешање или иритација на скалпот. Може да се појават бактерии или дури и габични инфекции.
Состојките кои се хемиски изменети не треба воопшто да се нанесуваат на кожата, бидејќи продираат во нејзините надворешни слоеви. Фоликулите се значително оштетени, што може да доведе до зголемено опаѓање на косата.
Ако веќе имате првут, чешање на скалпот, маснотии или опаѓање на косата, прво обрнете внимание на шампонот што го користите. Задолжително фрлете го ако му истекол рокот.