Тромбозата може да доведе до срцев удар, мозочен удар или целосно откажување на белите дробови
Тромбозата се јавува поради стагнација на крв, која често е предизвикана од некаква повреда или седечки начин на живот. Ова е потенцијално фатална состојба која може да доведе до срцев удар, мозочен удар или целосно откажување на белите дробови. За среќа, еден пијалок може да го намали ризикот од згрутчување на крвта – водата.
Како функционира?
– Дехидратацијата предизвикува згуснување на крвта. Кога пиете многу вода, вашата крв станува поретка и може полесно да патува низ вените, така што е помала веројатноста да се згрутчи – вели професорот Марк Вајтли, водечки венски хирург и основач на клиниката „Вајтли“, пренесува „Journal of Surgical Research“.
Постојат три процеси кои можат да предизвикаат штетни згрутчувања:
– промени во крвта (предизвикани од хормони, некои лекови и други фактори), промени во протокот (лежење без вежбање или долго седење), промени во ѕидот на крвните садови (проширени вени).
Професорот објасни дека дехидратацијата стпаѓа под промени на крвта поради нејзината способност да ја згусне крвта.
– Водата е најдобра и најбезбедна, бидејќи се апсорбира преку желудникот и оди директно во крвотокот. Нема шеќер или други компоненти кои го попречуваат ефектот на разредување на крвта – тврди докторот.
Колку вода дневно?
Според препораките на лекарите, секој треба да пие шест до осум шолји или чаши течност дневно.
– Многу е важно да се движите. Крвта не се згрутчува лесно ако брзо тече – додаде експертот.