Доколку спаѓате во таа група на луѓе кои перат патики во машина за перење, потребно е да ги прочитате следните совети за да не се деформираат или одлепат.
За перење патики во машина за перење, потребно е:
– течен детергент
– 6 лажици сода бикарбона
– навлака за перница или торба за перење
– четка за чевли или стара четка за заби
– неколку пешкири
Препорачливо е вечерта пред миење да посипете три лажици сода бикарбона во патиките и да ги оставите да отстојат до утрото. Потоа добро протресете ги, па извадете ги врвките од чевлите и добро избришете ја нечистотијата со четка за чевли (или стара четка за заби). Ставете ги патиките во навлака за перница или торба за перење. Исто така, добро завиткајте ги со крпи (најдобро е да користите 4 до 6 крпи), што ќе го ублажи ударот на патиките врз барабанот на машината за перење.
Ставете ги во машината, а потоа вклучете ја програмата за миење со вода на пониска температура, а циклусот на перење треба да трае не повеќе од 40 минути.
Исушете ги патиките исклучиво на воздух бидејќи машината за сушење лесно може да ги искриви и да го оштети лепилото.