Маслото од соја е многу честа состојка во конзервираната преработена храна, а резултатите од една студија покажуваат дека е полошо од шеќерот.
Шеќерот и мастите се сметаат за најнездрави намирници, но научниците предупредуваат дека има нешто понездраво од нив – маслото од соја, пишува „Daily Mail“.
Тоа е едно од најкористените растителни масла, а половина од растителните масла произведени во светот е маслото од соја.
Иако ова масло не мора да го имате во течна состојба на полица во кујната, многу често тоа е состојка во готовата, преработена храна во конзерви и слични пакувања.
Со тестирањето на лабораториски глувци маслото од соја долго се сметаше за многу здрав избор, но резултатите од студијата објавена во стручното списание „PLOS One“ укажуваат на голем број причини зошто популарната готварска состојка може да има сериозни последици по здравјето на поединецот, полоши од шеќерот.