Повторно се шушка дека убавата манекенка е видена во друштво на Леонардо ди Каприо во Италија. Изгледа неа не ѝ е грижа за тие приказни, туку држи вистински модни лекции по улиците на Њујорк.
Џиџи изгледаше неверојатно во долг тесен фустан, кој ја истакна нејзината витка фигура.
Иако има многу едноставен крој, она што го направи многу интересен е неговиот дезен, кој познавачите го нарекоа омбре, поради начинот на кој боите се спојуваат. Боите на фустанот се спојуваат од бордо и црвена, преку портокалова, до светло зелена и тегет.
Со овој стајлинг таа избра мат портокалов кармин и златни обетки. За обувки таа се одлучи за бордо чизми со што го комплетираше овој интересен изглед.
Џиџи секако не се плаши од бои, а покажа и како се носат. Целиот дневен изглед го решила со еден интересен фустан.