Трик кој редовно ќе го користите
Колку пати сте посакале да направите ќофтиња, сарма, полнети пиперки или мусака, но немате време да чекате да се одмрзне месото?
Кога однапред знаете дека ќе подготвувате јадење со мелено месо, најбезбеден начин е да го извадите од замрзнувачот најмалку 12 часа пред тоа и да го чувате во фрижидер до подготовката, за процесот на одмрзнување да биде што побезбеден.
Тогаш кога ви се брза, едно од решенијата може да биде и спуштањето на водоотпорната кеса со месото во сад со ладна вода.
Конечно, одмрзнувањето во микробранова печка со 50 проценти моќност за две или три минути е систем по кој понекогаш прибегнуваат домаќинките.
Но, во сите споменати ситуации месото побрзо ќе се одмрзне доколку го спакувате правилно пред да го ставите во замрзнувач.
За брзо и безбедно одмрзнување на меленото месо, потребно е да се стави во водоотпорна кеса и да се израмни што повеќе пред да се замрзне.
Колку е порамно и потенко пакувањето со мелено месо, толку побрзо месото ќе се одмрзне кога ќе го извадите од замрзнувачот.