Истражувањата покажуваат дека луѓето кои се ценети како дел од тим на работа работат многу понапорно. Исто така, НБА тимовите каде играчите се гушкаат, се поддржуваат, си помагаат, имаат повеќе победи. Така е и во бракот, паровите кои својата врска ја започнуваат тимски имаат поголеми шанси да останат заедно засекогаш.
Сепак, многумина не знаат што всушност е тимска работа во врската, колку труд повлекува и кои се обврските на партнерот. Ако вашиот брак ги има овие 7 карактеристики, тој е изграден да трае:
1. Наоѓате компромис
Во тимот има компромис околу „Што сум подготвен да прифатам? и „Што не сум подготвен да прифатам?“. Можно е компромисот да не биде секогаш целосно во согласност со вашето мислење, но вие сте подготвени да се откажете од тој процент за мир и стабилност. Другото лице треба да постапи на ист начин. Неколку последователни компромиси, отстапки и разбирања значително го намалуваат ризикот од конфликт или незадоволство во врската.
2. Не дозволувате да се насобира негативноста
„Ако откриете дека вашите мисли се фокусирани на тоа колку вашиот партнер се жали или како ништо што правите не е доволно добро, вашиот партнер ќе го почувствува тоа и ќе почне да се чувствува негативно внатре“. Добриот тимски играч во врска, затоа, не се плаши да вербализира што му се допаѓа или цени кај партнерот, како и што не му се допаѓа и што му пречи. Според Хуан Сантос, водечки советник, потиснувањето на негативните чувства и мисли може да го одвлече вниманието на вашата врска од крајната цел – среќа и исполнетост. „Фокусирајте се на таа заедничка цел“, советува Сантос. „И меѓусебно барајте одговорност кога ќе забележите негативност. Добриот тим ќе може да го направи тоа заедно, и конструктивно“.
3. Го забележувате меѓусебното расположение и енергија
„Кога бев дете многу го гледав цртаниот филм X-Men“, се сеќава Сантос. „Ми се допадна како професорот Х можеше да чита мисли. Но, тоа е спротивно од она што сакате да го направите во врската“. Затоа, добар соиграч не претпоставува дека знае што мисли другата личност додека се обидува да реши некој проблем. Наместо тоа, според Сантос, за да му се помогне на тимот да расте, поважно е да се комуницира и да се биде на иста страна пред да се истражува решение.
4. Ги оставате ситниците
Невозможно е да прифатите работи како што се простување, добрина или извинување ако премногу цврсто се држите за негативна емоција. Да се лутите и да се фрустрирате поради ситници е нормално, но ако сте добар тимски играч во врска, тогаш знаете кога да попуштите и да ги оставите настрана.
5. Си го почитувате времето едни на други
„Партнерите во здрави врски ја почитуваат важноста на времето еден на друг“, вели Сантос. „Тие истражуваат што сакаат да прават како пар и индивидуално за да ја подобрат врската, како и самите себе. Почитувајќи го туѓото време и интереси, оставате простор другиот да го почитува вашето време само за себе. И кога ќе ги воспоставите овие јасни граници, лесно наоѓате начини да поминете квалитетни моменти заедно.
6. Си давате енергија и инспирација еден со друг
Не е важно кој ја води вашата игра, но важно е да си давате енергија и да се инспирирате еден со друг. Малите работи како контакт со очи или разговор често се занемаруваат, но тие навистина можат да помогнат да се подигне нечие расположение. Слушајте ги потребите на партнерот – кога чувствувате дека му треба поддршка, разговарајте, кога мислите дека му треба самотија, пуштете го, кога ви е важна прегратката, прегрнете се… Слушајте ги потребите еден на друг, и кога еден е во лошо расположение, другиот партнер може да ја подигне атмосферата, и обратно.
7. Не се натпреварувате
Дали сакате да победувате во се и да бидете подобри од партнерот, да се натпреварувате на работа, дома, по изглед, по способности, таленти… Ова е тим кој игра одвоено. Во вистински тим, тие се поддржуваат еден со друг за да ги истакнат своите способности и да го искористат својот потенцијал. Во таква врска секој расте и се развива, а резултатот е заеднички успех.