Бројни приказни, легенди и шпекулации кружат околу вдлабнатината на дното на шишето вино. Една од заблудите е дека вдлабнатото дно значи и поквалитетно вино. Љубителите на вино тврдат дека ова е обична глупост и дека многумина до овој заклучок доаѓаат само затоа што шишето изгледа поголемо, а со тоа и поскапо.
Вистина е дека со истакната вдлабнатина во комбинација со подебело стакло, шишето изгледа моќно, па некои винари се одлучуваат за таков дизајн.
Ладење на вино
Некои веруваат дека вдлабнатото дно го забрзува ладењето на виното. Но, се поставува прашањето зошто пивските шишиња не го следат тој пример.
Вински бонтон
Исто така, се верува дека при истурање, шишето треба да се држи за дното, а вдлабнато дно е таму за да може палецот да се избалансира. Но, вистината е дека според високиот бонтон, шишето треба да се држи на средина, а етикетата да биде свртена кон гостинот за да може да види што се истура.
Аргументот за шампањ
Некои од најдобрите светски шампањи и пенливи вина имаат рамно дно, па не е важно на што „стои“ скапоцената течност. Затоа, идејата дека вдлабнувањето во стаклото го прави шишето поотпорно на висок притисок исто така се отфрла.
Дувачи на стакло
Историчарите веруваат дека вдлабнатото дно потекнува од времето кога шишињата не се произведувале во фабриките, туку ги правеле дувачи на стакло. Вдлабнувањето овозможило шишето да биде доволно стабилно, а дното мазно.