Сличноста меѓу 15-годишната Евер Андерсон и нејзината позната мајка Мила Јовович е впечатлива, а станува појасна колку што расте девојчето. Младата актерка веќе има неколку улоги зад себе, на црвениот тепих се појави со нејзината мајка, а сега е време да ја видиме младата Евер во самостојни излегувања. Тинејџерката не сакаше да ја пропушти ревијата на Миу Миу во рамките на Париската модна недела и се дотера за таа пригода.
Таа избра тексас фустан со мини крој. Младешкиот фустан е врзан околу вратот и го остава грбот гол, а интересни детали се џебовите и тенкиот ремен околу половината. Евер ја издигна целата комбинација со необични бели чизми со ниски потпетици кои беа исечени на предниот дел како апостолки, што дополнително ја истакна ретро нотата на целата комбинација. Со целата комбинација избрала светло црвена чанта на долго ременче.
Евер Габо е ќерка на актерката Мила Јовович и режисерот Пол В.С. Андерсон, кои заедно ја создадоа филмската серија „Resident Evil“. Нивната ќерка го имаше своето филмско деби во еден од тие филмови, „Resident Evil: The Final Chapter“, кога ја играше помладата верзија на главниот лик Алис, кој го игра нејзината мајка.
После тоа, таа ја портретираше младата Наташа Романоф во „Black Widow“ со Скарлет Јохансон во главната улога. Следно ќе може да ја видиме во фантастичниот филм „Peter Pan & Wendy“, во кој таа ќе ја толкува насловната улога на Венди, додека Александар Молони ќе го игра Петар Пан.
