Треба да се ослободите од некои работи
Чистењето на просторот не само што носи ред, чистота и отворен простор, кои се неопходни за среќа и хармонија во домот, туку носи и ослободување од негативна, стагнантна енергија.
Колку повеќе непотребни работи имате во вашиот дом, толку повеќе атмосферата станува енергетски „загадена“. Кога во домот доминираат работи кои не ви се потребни, старото не дозволува нешто ново да влезе во вашиот живот.
Таквите нешта, стари, скршени и оштетени, всушност се поврзани во фенг шуи како енергетски вампири – тие можат да носат собирање на негативна енергија.
Ви носиме план и распоред како да го исчистите домот од негативни работи за среќата и парите да се вселат:
Чекор 1: Одвојте време
За радикално да го ослободите домот од непотребните работи, одвојте доволно време за тоа. Одвојте два, а по можност три дена активно „чистење“. Добра идеја е веднаш да направите големо чистење, наместо да одложувате. Секое одложување може само да го зголеми нередот.
Чекор 2: Филтрирајте ги „токсичните“ работи
Соберете во посебен куп работи кои предизвикуваат негативни емоции. Тие може да се поврзани со лош период во вашиот живот или со личност со која повеќе не комуницирате. Некорисните предмети може веднаш да се фрлат и рециклираат. Сè што е скршено и оштетено само ќе собере повеќе лоша енергија и прашина во домот.
Чекор 3: Кажете му збогум на она што не е корисно
Во друго ќоше, ставете работи што не сте ги користеле повеќе од една година. Малку е веројатно дека ќе ви затребаат во иднина. Тоа се артикли кои воопшто не сте ги користеле некое време, со исклучок на сезонските работи. Таквите предмети можете да ги донирате на оние на кои навистина им се потребни.
Чекор 4: Создадете празен простор
Дали успеавте да се ослободите од неколку кутии со непотребни работи, па дури и да фрлите неколку гломазни предмети? Направете пауза и не брзајте да го пополните празниот простор со нешто друго. Дури и ако сте развиле таква навика со текот на годините. Можете да станете и минималист кој намерно го остава просторот празен и отворен за да имате повеќе простор за уживање, движење низ куќата и отвореност кон се ново.