Познатата холивудска актерка Луси Лиу се отвори за своето мајчинство во подоцнежните години. Според неа, таа не го планирала детално овој чекор, кон крајот на четириесеттите го „отфрлила сценариото што постојано го читала“. Својот син Роквел го доби преку сурогат мајка на 47 години, а раскажа се за „The Cut“.
„Немав план. Само мислев дека сакам малку да го сменам разговорот. Не сакав да зборувам за следниот проект. Се чувствував како да го читам истото сценарио одново и одново, ми се гади од тоа. Не го сакав истиот дијалог. Се слушнав себеси како ги кажувам истите работи многу, многу пати и само си помислив, па тоа не може да биде она што е следно за мене. Тоа не беше доволно за мене. Не размислував премногу за тоа. Не направив многу истражување, само го повлеков чкрапалото. Можам да размислам премногу и да одговорам на тоа; ако размислувам премногу, нема да го направам тоа. Подобро е за мене кога чувствувам нешто и само одам по тоа. Многу луѓе читаат книги за родителството. Јас не правев ништо од тоа. Си помислив, кога ќе дојде детето, веќе ќе сфатам“, искрена беше актерка.
Откако со години живееше во Лос Анџелес, таа се врати во Њујорк за да го одгледува своето дете таму. Сама. Многумина не го одобрија нејзиниот потег, но таа одлучи дека во тој град ќе го одгледа својот син. “Дефинитивно сакам да воспитам дете во Њујорк. Луѓето велат дека не е погодно, не е практично, немам ни автомобил. Но на тој начин тој ќе ги види сите работи. Ќе му покажам што е безбедно, што не е. Тој ќе научи да ги разбира работите преку искуство. Тешко е да се изгради здрав разум, кога сте постојано во автомобилот“, објасни Луси Лиу за својата одлука.