Поранешниот ангел на Victoria’s Secret Алесандра Амбросио се појави на забава организирана од модната куќа Гучи.
Во рамките на музичкиот фестивал „Lollapalooza“ во Сао Паоло, познатиот бренд „Gucci“ организираше забава на која специјален гостин беше поранешниот модел на Victoria’s Angels.
Таа на овој настан дојде во придружба на нејзината ќерка Ања Луис, која беше брилијантно стилизирана исто како нејзината мајка.
Алесандра носеше долг светло сив фустан кој имаше длабоко деколте украсено со црна роза. Бразилската убавица слободно ја пушти косата, а во раката носеше црна чанта, која беше одличен контраст со светлиот фустан.
Ања, која сега има 14 години, се свртува кон својата славна мајка, па соодветно на тоа облече сатенски комплет во комбинација со беж корсет, а во раката носеше чанта „Gucci“.
