Пробајте
Пекарскиот, но и пивскиот квасец исто така се богати со витамини од групата Б, како што се витамините Б1, Б2, Б6 и Б12. Тие се многу важни за правилното функционирање на целиот организам, особено на кожата. Нивниот недостаток во исхраната се рефлектира во речиси сите процеси во телото.
Можеби сте слушнале дека е добар совет за оние кои имаат недостаток на овие витамини во организмот, повремено да промешуваат мало парче квасец во вода и да го пијат, за да го надокнадат својот недостаток. Бидејќи вкусот не е пријатен, секогаш можете да се потпрете на суплементи и додатоци на исхрана, но ова е природна замена. Квасецот не е богат само со витамини, туку и со минерали како што се калиум, калциум, магнезиум, натриум, хром, железо, бакар, манган, цинк и фосфор. Има и есенцијални амино киселини, а може да ги издвоиме инозитолот и р-аминобензоевата киселина, но тие се присутни во помала мера.
За моментално подмладување, можете да ја пробате и оваа комбинација. Белката е незаменлив препарат кога се работи за моментално затегнување на кожата, а во комбинација со квасец ќе добиете уште подобар ефект. Од една белка изматете тврд снег, па измешајте ја со коцка квасец која претходно сте ја раствориле со малку млеко или јогурт. Внимателно нанесете ја маската на целото лице и оставете да делува дваесетина минути. Како што се суши маската, ќе почувствувате како вашата кожа се затегнува, а маската пука.
Ова не е ништо необично кога станува збор за квасецот и белките од јајца. Не ја вадете поради тоа. Почекајте да се исуши целосно. Кога маската ќе се исуши, отстранете ја со млака вода, без да го триете лицето. Ќе видите дека лицето е поубаво на допир, кожата е затегната и целосно чиста, бидејќи со слојот на маската целиот вишок од кожата на лицето во форма на мртви клетки и нечистотија исчезнува.