Навиките кои сме ги стекнале во текот на животот можат да бидат многу корисни за некој кој добро го познава говорот на телото да не „прочита“ уште пред да зборуваме.
Кетлин Хендрикс (67), експерт за говор на телото од Калифорнија, откри за Glamour дека начинот на кој ја носите чантата може да открие многу за вашиот карактер, па дури и за она што се обидувате да го скриете од другите, пренесува „Дејли мејл“.
Кетлин ги „декодираше“ најчестите начини на носење чанта.
1. На лактот
Вие давате приоритет на статусот и позицијата на социјалната скала. Ако сте навикнати да ја ставате раката низ дршките на чантата и да ја држите околу лактот, оставајќи ја едната рака слободна, вие испраќате симболична порака дека сте независни и дека имате некој да ве служи и да ви ја врши работата за вас.
Во исто време, овој начин на носење чанта може да ја одрази вашата потреба да му покажете на светот на кој бренд сте лојални. За вас, чантата често е статусен симбол.
2. Над едното рамо, до телото
Вие сте прагматични по природа и суштината ви е поважна од формата. Слободата ви е важна и не се согласувате со никакво ограничување.
3. Преку рамо, без држење
Опуштени сте и лежерни, не ви е важно како изгледа вашата чанта, само да е лесно достапна.
4. Напред на телото
Вие сте претпазливи, срамежливи и сакате да се заштитите од другите луѓе. Затоа потсвесно секогаш избирате модели на чанти кои имаат подолг ремен за да можете на чантата да и ја „доделите улогата“ на одбранбен штит.
5. На грбот, како поштар
Најчесто не ви е важно како изгледате, бидејќи сте преокупирани со други поважни работи.
6. Во рака
Вашата кариера е на прво место. Ако секогаш носите чанта во рака покрај телото, вие испраќате порака дека не сте „играч“ за потценување.
Дури и фактот дека не носите торба или чанта, испраќа симболична порака до светот околу вас, можеби оној кој најмногу ќе ви се допадне.
– Дамите кои не носат чанта покажуваат дека околу себе имаат луѓе кои се задолжени да ги решаваат секојдневните задачи за нив. Тука спаѓаат дневниот распоред и плаќањето сметки – проценува Катлин.
Таа истакнува дека дамите кои не носат чанти се самоуверени и се потпираат на другите кои им се на услуга.