Нема потреба да се зборува за важноста на сите видови чорапи во гардеробата. Со векови сме свесни за нивната вредност, а во 2023 година чорапите за многумина се клучен дел од креативното модно изразување.
Откако голите нозе беа во тренд со години, веќе подолго време чорапите се вратија во центарот на вниманието и станаа додаток кој дамите го носат со се, од, секако, патики до мокасини до штикли.
Кога станува збор за комбинацијата на чорапи и потпетици, дефинитивно вниманието беше на ревијата на MiuMiu пролет/лето 2022 година, но и покрај првичното изненадување, ова стана комбинација која брзо се пресели на градските улици.
Што се однесува до комбинацијата на чорапи и мокасини, таа веројатно има најмногу обожаватели, а меѓу дамите кои обожаваат да ја носат се моделите Бела Хадид и Хејли Бибер. Не се единствените кои носат чорапи во (не)очекувани комбинации, а доказ за тоа се фотографиите на различни познати дами на улиците на метрополите.
Покрај тоа, овој тренд одамна се пресели и на нашите улици. Сега кога пристигнаа потоплите денови, веруваме дека комбинацијата од мокасини, други обувки и (бели) чорапи ќе биде се почеста.
Секако, како и кај секој тренд, има длабоки поделби меѓу љубителите на модата. Иако на многумина не им се допаѓа овој, како што многумина го нарекуваат „дедовски тренд“, други го прифатија со цело срце.
