На овој начин ќе го спречите ширењето на бактериите
Кога последен пат сте купиле нова четка за тоалет? Ако не можете да се сетите, тогаш сигурно било многу подолго од препорачаното и можеби го ставате на ризик вашето здравје.
Експертите велат дека четката за тоалет треба да се менува најмалку на секои девет месеци за да се спречи ширењето на бактериите.
„Не сфаќаме колку често треба да ги менуваме работите во нашиот дом од хигиенски аспект. Ако работите изгледаат чисти, само ги оставаме. Сепак, постои реална опасност ако не се заменат некои од овие предмети, како што е четката за тоалет, бидејќи бактериите кои се задржуваат можат да предизвикаат широк спектар на здравствени проблеми“, вели експертот за ентериер Ник Шеклок.
Од друга страна, лекарите предупредуваат дека четките за тоалет треба да се фрлаат доколку некој дома има гастроинтестинално заболување, бидејќи освен што валканата четка за тоалет нема добро да ја исчисти школката, може да предизвика проблеми кај ризичните групи. Исто така, треба да се запомни дека не само што содржи бактерии од тоалетната вода, туку може да зароби и измет или тоалетна хартија, што е нехигиенско и нездраво.
Тој препорачува да се фрлаат пластичните четки за тоалет кои ја промениле бојата, имаат свиткани влакна или имаат мирис дури и по чистењето. Дополнително, треба да ја дезинфицирате главата на четката по секоја употреба или барем еднаш неделно. Потопете ја четката во кофа исполнета со зовриена вода и неколку капачиња белило еден час, попрскајте го држачот со средство за чистење во спреј, а потоа вратете сè на своето место кога ќе се исуши.