Научниците дошле до интересно откритие, а тоа е дека водата не е најдобриот пијалок за хидратација на организмот. Тврдат дека млекото сепак е подобро.
Истражување од шкотскиот универзитет „Св. Ендрјус“ ги споредува влијанијата на неколку различни пијалоци врз хидратацијата. Обичната и минералната вода се добар избор, но според новите сознанија, млекото е сепак подобро.
Нутритивен состав на пијалокот
Според Роналд Моган, професор на универзитетот и авторот на студијата, еден од факторите на хидратација е секако количината на одреден пијалок, но еден од факторите е и нутритивниот состав на пијалокот, пишува „Klix.ba“.
Докажано е дека млекото хидрира повеќе од обичната вода, бидејќи содржи лактоза, протеини и масти, а овој состав помага да се забави празнењето на течноста од желудникот. Покрај тоа, млекото содржи и натриум, што доведува до помало производство на урина.
Истото може да се каже и за оралните прашоци за рехидратација кои се користат за лекување на дијареа. Тие исто така содржат мали количини шеќер, како и натриум и калиум, кои можат да помогнат во задржување на водата во телото.