Станува збор за таканаречената боб фризура
Сосема поинаков стил на класичната боб фризура за која фризерите гарантираат! Хит оваа пролет и лето, ќе ја гледате насекаде во следните неколку месеци.
Ефектната фризура која има одлични предиспозиции да стане избор број еден оваа пролет и лето се нарекува шаги боб, а всушност е совршено хармонична комбинација на незаменливиот боб и шаг фризура, тренд од седумдесеттите години на минатиот век кој се врати во модерна верзија пред неколку сезони.
Фризерите веднаш се согласија дека тоа е една од фризурите кои ќе бидат во преден план оваа пролетна сезона.
Шик и едноставна, фризурата со освежувачки изглед е вистинската одлука ако сте на пат да направите драстична промена по долгата коса.
Основата на бушавиот боб лежи во бушавата текстура и експлозивниот ефект кој се создава во косата. Изгледа многу воздушесто и има ладен подтон, а според фризерите изгледа уште поефективно кога се комбинира со шишки.
Уникатната фризура е препознатлива по разбушавените краеви и текстурираните слоеви кои можат да бидат асиметрични или тапи, што всушност ја формира основата на шаги фризурата, која постои од седумдесеттите, а сега доаѓа во помодерни и поелегантни верзии. Овие разбушавени и малку неуредни прамени може да се носат на различни текстури на коса, од брановидна и виткана до права.
Овој тип на боб доби голема популарност, не само поради ефективниот изглед, туку и поради леснотијата со која се одржува. Во секој случај, за најдобар можен изглед, потребно е да се консултирате со фризер за изборот на производи кои на косата ќе ја дадат посакуваната текстура и полесно обликување.
За оваа разбушавена фризура се согласуваат и фризерските експерти, особено кога е во прашање претстојното лето. Слоевитоста создава одличен волумен, а фризурата има моќ да ги открие најубавите делови од лицето и вратот.