Војвотката од Сасекс, Меган Маркл, наскоро би можела да и се врати на актерската кариера
Според странските медиуми, Меган Маркл наскоро би можела да игра некои од поистакнатите холивудски улоги, благодарение на нејзините нови врски во Холивуд. Извори блиски до војвотката изјавија дека таа го ангажирала холивудскиот менаџер Адам Лилинг.
Овој познат менаџер има работено со Елен Деџенерс и Никол Кидман и може да и помогне на Меган успешно да се врати на својата актерска кариера. Сепак, ПР експертот Маја Ријаз изјавила дека тешко дека Меган ќе ја видиме во улоги за кои е потребно повеќе време.
Се наведува дека Меган нема да се откаже од хуманитарната работа заради нејзината кариера како актерка. Но, се очекува да добие значајна улога во Холивуд.
За потсетување, Меган Маркл се прослави глумејќи ја Рејчел Зејн во популарната серија „Suits“, а глумеше и во филмови како “Remember me”, “A Lot like Love”, “Dysfunctional Friends”, “Random Encounters”, “Dater’s Handbook”, “Horrible Bosses” и многу други.