Британскиот престолонаследник покажа спортски дух додека го поминуваше времето со својот татко: принцот Џорџ и принцот Вилијам од трибините го поддржаа својот омилен клуб Астон Вила на натпреварот против Нотингем Форест. Тие седеа во ложата, веднаш до извршниот директор на Астон Вила, Кристијан Перслоу.
И додека почетокот на натпреварот беше релативно мирен, подоцна ситуацијата на теренот се вжешти и омилениот клуб на принцот постигна дури два гола. 9-годишниот принц Џорџ и идниот крал Вилијам ги следеа тензиите на теренот со речиси идентични мимики и гримаси, а нивните фотографии брзо станаа вирални.
Ова не беше прво излегување на Џорџ на фудбалски натпревар: во 2019 година, неговиот татко го однесе со себе на натпревар каде Астон Вила постигна пет гола против Норич, додека тие примија само еден. Тоа беше доволно Џорџ да почне да навива за нив. Од друга страна, на почетокот малкумина разбраа зошто татко му го одбрал тој клуб бидејќи можел да се одлучи за поголеми тимови како „Манчестер Јунајтед“ или „Челзи“.
„За фудбалот се заинтересирав многу одамна на училиште. Барав за кој клуб ќе навивам. Сите мои пријатели на училиште беа навивачи на најголемите клубови и не сакав да ги следам. Сакав да навивам за тим кој е повеќе или помалку во средината на табелата бидејќи нивната игра овозможува многу повеќе возбудувања од големите“, објасни принцот Вилијам во интервју во 2015 година.