Интернетот е полн со совети за тоа како треба да се облекуваме, а често се анализира соодветноста на одредени парчиња облека за нашите години. Сепак, повеќето од овие совети не земаат предвид една важна точка – најважно е како ние лично се чувствуваме во одредена облека, а што мислат другите за тоа не треба да биде важен фактор при дизајнирање на стајлингот.
На пример, направени се многу анализи за тоа кои парчиња облека се соодветни за одреден период од животот, односно кои стануваат несоодветни по одредени години. Така, на жените често им се советува да се ослободат од одредени предмети од гардероберот по 35-тата година од животот.
Секако, повеќето дами ќе потврдат дека ова е тотална глупост бидејќи секое парче облека може да се комбинира на соодветен начин и нема потреба да ги чистиме нашите плакари бидејќи некој друг мисли дека не изгледаме добро во нив.
1. Стара облека за која сме сентиментално врзани
Маица од средно училиште со логото на омилениот бенд, долни пижами полни со дупчиња кои ги претпочитате од најфините свилени ноќници, стара тоалета што одамна сте ја украле од плакарот на мајка ви… Многумина ќе речат дека ваквите парчиња едноставно непотребно зафаќаат место во нашиот плакар, но нема ништо лошо во тоа да ја чувате и носите облеката за која сте сентиментално приврзани.
Често се случува овие постари парчиња да бидат поквалитетни од новите. Не мора насилно да го наполните плакарот со нова облека ако се чувствувате удобно во старата. Стара измиена маица ќе изгледа одлично со фармерки и сандали на високи потпетици, наметката на мама е сигурно најудобната на светот, а никому не треба да му е грижа во каква пижама спиете.
2. (Пре) кратки здолништа и фустани
Од една страна добиваме пораки дека треба да се гордееме со своето тело, а од друга предупредувања дека не е соодветно да го покажуваме на одредена возраст. Игнорирајте ги советите кои не ви дозволуваат да бидете самоуверени. Секако, за се има време и место, а ние добро знаеме за која пригода можеме да носиме многу краток фустан или здолниште, а во кој подолг модел ќе биде посоодветен.
3. Тесна облека
Уште една глупост. Нема ништо несоодветно во облеката што го истакнува телото и нема години каде треба да се откажеме од тесните парчиња. Најдобар доказ за тоа е француската прва дама Брижит Макрон, која често се наоѓа на удар на критики бидејќи на прагот на 70-тите се уште носи „тесни“ фармерки и тесни кожени панталони. Притоа, во ниту една ситуација не ја преминала границата на добриот вкус, споменатите панталони секогаш ги комбинира со елегантни и пристојни парчиња и секој пат изгледа фантастично.
4. Штикли „до небо“.
Навистина, платформите и небесно високите потпетици не се за секого, но кога знаете да чекорите во нив и да се чувствувате сензуално и самоуверено во исто време, ништо не треба да ве спречи да ги носите. Модните критичари сметаат дека класичните салонки се подобар избор за жените по 35-годишна возраст, но бројни познати дами од година во година докажуваат дека и „облакодерите“ се добар и соодветен избор.