Природен лек
Копривата е плевел, а поради богатството од витамини, минерали и корисни состојки е доста моќна. Содржи витамини Ц, А, Б2, Б5 и К, железо, магнезиум, бакар, цинк, фосфор, силициум, манган, калциум, калиум и други. Во минатото копривата се користела и во војни за загревање на луѓето на студено време со триење на кожата, како и за издржливост и болки во зглобовите. Копривите во контакт со кожата предизвикуваат печење. Чувството е моментално, но прилично непријатно и влијае на епителот, па на лицата со проблеми со кожата им се препорачува да ја консумираат само во сува форма, варена или замрзнато. Супите од коприва, како и бланшираните коприви во салатите се енергетска и витаминска „бомба“.
Корисните својства на копривата се наоѓаат и во коренот и во листот. Се прават бројни истражувања, потребни се повеќе студии, но научниците се согласуваат дека копривата има одличен потенцијал за смирување на артритични болки, воспалителни процеси, зголемена простата и алергии на полен. Копривата е и природен диуретик, па позитивно делува на намалување на крвниот притисок. Кремите на база на коприва го промовираат зараснувањето на раните од изгореници.
Медот содржи повеќе од 30 минерали, бројни фитохемикалии, а неговата најголема предност е природниот шеќер. Постојат антиоксиданси, како и минерали, вклучувајќи фосфор, магнезиум, калциум и калиум. Медот има многу калории, но и голема количина испарливи соединенија. Истражувањата покажуваат дека медот кај луѓето над 40 години може да го намали високиот крвен притисок, да влијае на нивото на триглицеридите во крвта и лошиот холестерол.
Бидејќи содржи природни шеќери, медот има низок гликемиски индекс и помага да се зголеми чувствителноста на инсулин. Влијае и на подобрување на липидниот метаболизам. Истражувањата велат дека игра улога и во спречување на формирање на наслаги во артериите и подобрување на нивната еластичност. Медот има и силни пробиотски својства.
Како да направите природен препарат со коприва и мед
Едноставно! Копривата за овој препарат најдобро се собира во рана пролет, се суши и се сечка. Подеднакво добар ефект ќе има и со ливадски и со багремов мед. Во записите на традиционалната медицина е наведено дека медот не постар од две години е со највисок квалитет.
Во стаклена тегла убаво измешајте ги медот и сечканата коприва, масата да биде компактна и рамномерно соединета. Ставете не повеќе од пет шаки коприви на килограм мед. Можете да додадете и рендана кора од лимон, како и сок од еден лимон. Препаратот треба да се зема наутро, на празен стомак, со малку млака вода, најмалку 15 минути пред појадок. Не консумирајте повеќе од една лажица дневно.
Копривата не треба да ја користат трудниците, без разлика што често се анемични, а познато е дека копривата е една од најмоќните природни состојки кои помагаат при недостаток на железо. Дури и луѓето кои вообичаено земаат диуретици се советуваат да бидат внимателни, бидејќи копривата има изразено диуретично дејство.
Напомена: Пред употреба на природни препарати консултирајте се со лекар.