Зендаја им приреди вистинско изненадување на фановите кога се појави на сцената на Coachella во саботата навечер. Таа беше во друштво на Лабринт за да ги изведе хитовите “I’m Tired” и „All for Us“.
Актерката наградена со Еми носеше розов мини фустан преку бела маица. Она што сите го забележаа е дека овој фустан неодоливо потсетува на оној што нејзината колешка Хантер Шејфер го носеше во серијата „Euphoria“ во првата сезона.
Се чинеше дека 26-годишната актерка ужива во нејзината изведба на музичкиот сет, за време на кој ги испеа песните вклучени во серијата.
Како што пренесуваат странските медиуми, ова сценско појавување на изведувачката и актерка се случува седум години по нејзиниот последен настап.
Што се однесува до фустанот, кој наликува на оној што го носи ликот Џулс, во нежно розови тонови, тој е одлично и неопходно пролетно парче. Направен е со дискретни карнери, па затоа е романтичен, но „Christian Louboutin“ чизмите со врвки до бутовите го натераа целиот ансамбл да тргне во насока на модни комбинации кои вообичаено се гледаат на овој фестивал.
На актерката и пејачката се гледаат и ретро огромни алки, кои се вратија во мода пред неколку години и останаа. Таа ја пушти косата природно долга и кадрава, за разлика од свечените фризури што ги носи на црвениот тепих.