Се наѕира летната сезона на отворени обувки, па ако сакате стапалата да ви изгледаат прекрасно во сандали, закажете си третман – дома!
Не мора да трошите пари на третмани во салон за убавина, ви предлагаме рецепт за педикир по принципот „направи сам“.
Постојат еден куп домашни третмани за поубава и помека кожа на стапалата, но поедноставен и поевтин од оваа тешко дека ќе најдете.
Значи, за да се ослободите од сувата и распукана кожа на петиците, но и да се почестите со мини спа третман и 15-минутна релаксација, потребни ви се:
– млеко
– сода бикарбона
Треба да ги натопите нозете во длабок сад со топло млеко десет минути. После тоа, добро истријте ги со сода бикарбона, и оставете ги да стојат во млекото некое време.
Потоа исплакнете со топла вода и нанесете дебел слој крем за нега на стапала. Веднаш ќе забележите колку е помека и понежна кожата на стапалата. Постапката можете да ја повторувате еднаш неделно.