Додека беше гостин во емисијата „The Late Late Show with James Corden“, Бен Афлек се потсети на една од своите први улоги. Во филмот „Buffy the Vampire Slayer“ од 1992 година, кој ја инспирираше истоимената ТВ серија, тој имаше само една реплика, играјќи кошаркар кој го носи дресот со број 10.
Афлек му рекол на Корден дека мислел дека добро си ја завршил работата и ја изговорил таа една реплика за сериозната закана што врколакот ја претставувал за кошаркарскиот натпревар, но продуцентскиот тим очигледно не се согласувал.
„Го почувствував тоа. Почувствував вистински страв. И тогаш отидов да го гледам филмот со моите пријатели… и звучев сосема поинаку. И веднаш сфатив дека ја преснимиле мојата реплика“, изјави Афлек. Иако тогаш се посрамотил, сега признава дека синхронизацијата поради неговата лоша изведба била вистинската одлука.
„Бев толку лош. Им требаше да бидам на сцената, но режисерот очигледно мислеше „Не можам повеќе да го слушам тој глас!“. Мораа да платат некого да дојде и да каже: „Еј, човеку, земи го тоа“, бидејќи очигледно не можев да кажам доволно убедливо“, вели Афлек.
Ова не е првпат тој да зборува сосема искрено и прилично негативно за една своја улога. Тој вообичаено нема проблем да го каже своето мислење за неговите филмови за кои смета дека не испаднале добро, а неодамна призна дека непријатното искуство од снимањето на „Justice League“ го натерало да ја преиспита својата кариера.
„Мислев дека ова не е животот што го сакам. Моите деца не се тука. Мизерен сум. Сакате да одите на работа и да најдете нешто интересно да правите наместо само да носите гумен костум, а повеќето од времето во основа само стоите покрај компјутерскиот екран велејќи: „Ако се ослободи овој нуклеарен отпад, ние ќе… Стигнав до точка каде што ми беше креативно незадоволително. Сфатив дека повеќе не сакам да си го трошам животот.“
