Џенифер Лопез со децении важи за една од најубавите дами во Холивуд. Иако веќе е во шестата деценија од животот, славната уметница изгледа многу помладо.
Затоа многумина ги интересира која е тајната на нејзината совршена фигура, со чија помош таа успева да личи на некои девојки двојно помлади од неа. Нејзиниот сопруг Бен Афлек сега откри нешто што изненади многумина, а тоа се однесува на нејзината исхрана.
Повеќето мислеа дека Џеј Ло има многу рестриктивни диети, кои не ѝ дозволуваат да се здебели ни грам. И за доброто на својата линија, таа жртвува многу деликатеси на кои многу луѓе не можат да одолеат.
Но сепак, изгледа дека воопшто не е така… Бен Афлек гостувајќи во шоуто на актерката Дру Баримор, јавно откри што има Лопез на своето мени.
– Сега ќе ти кажам нешто што ќе те вознемири. Џенифер едноставно јаде што сака, но баш што сака. Торти, сладолед, се – Бен Афлек ги изненади сите кога го кажа ова.
Но, веднаш потоа, тој кажа и на што може да му се заблагодари Џеј Ло за нејзиното „тело од милион долари“.
– Да, таа вежба. Мислам и јас вежбам, ама ја немам таа магија да личам на 20 годишен дечко. Со совршена кожа и сето тоа“, рече Афлек.
Потоа истакна дека навистина и завидува и се восхитува на нејзината работна етика.
– Нејзината работна етика е повеќе од сериозна. Има многу силна работна етика, голема дисциплина, но и супермоќи. Таа е најпрекрасната жена на светот и изгледа спектакуларно – заклучил Афлек.