Наместо да купувате благо од продавница, можете да направите крцкаво слатко лиснато тесто со јагоди и крем од ванила.
Состојки:
лиснато тесто
1 жолчка
листови бадем
500 мл млеко
120 гр шеќер
2 кесички пудинг од ванила
200 гр јагоди
шеќер во прав
Подготовка:
Лиснатото тесто развлечете го, па префрлете го на хартија за печење. Исечете 16 квадрати, а потоа премачкајте ги со изматена жолчка од јајце.
Тестото со хартија за печење префрлете го во плех, посипете со снегулки бадем и печете во загреана рерна на 200 степени околу 20 минути.
Оставете да се излади. Во млекото додадете ги шеќерот и пудинзите и убаво соединете.
Варете додека не се згусне со постојано мешање. Поделете го тестото на половина, па наполнете со изладен фил од ванила и сечкани јагоди. Посипете со шеќер во прав.
Пријатно!