Практични совети кои може да ви помогнат да ослабете…
За слабеење не е доволно само да се занимавате со физичка активност и да ги намалите оброците. Домот во кој живееме, особено кујната мора да биде уредена на одреден начин, а покрај тоа постојат одредени трикови и совети кои треба да ги примените доколку сакате да ги намалите килограмите, апетитот и прекумерното прејадување.
- Боите кои преовладуваат
Некои студии покажаа дека одредени бои го поттикнуваат апетитот. Во тие тонови спаѓаат следните бои: окер нијанса, разни тонови на жолта, кафена и зелена. Боите кои нема да го поттикнат вашиот апетит се сите нијанси на сина и малку виолетова. На пример, храната на бели или жолти чинии изгледа многу попривлечно отколку, да речеме, на сина боја.
- Не ставајте работен простор во близина на кујната
Доколку практикувате да работите во близина на фрижидерот и воопшто во кујната, почесто ќе правите паузи за да јадете. Погрижете се да нема чинии со грицки, чоколади и слично околу вашата работна површина. Накратко, колку е храната поблиску до вас, толку полесно и побрзо ќе посегнете по неа. Затоа, наместо храна, на работниот простор вметнете украсни елементи како цвеќиња, кристали, школки и слично.
- Зеленило против стрес
Бидејќи стресот е многу чест предизвикувач на прејадување, за да го намалите стресот уредете го вашиот животен простор на таков начин што сè ќе ве потсетува на удобност и релаксација. Внесете растенија, аквариум со риби, ставете слики од пејзажи и работи кои ви будат убави спомени. Уште еден корисен совет е да се ослободите од се што не ви треба или што ја изгубило својата цел и намера. Нередот и пренатрупаноста носат лоша енергија и расположение, што дополнително може да ве поттикне да јадете повеќе од вообичаено.
- Редовно проветрувајте ја кујната
Секогаш кога готвите или подготвувате нешто, обидете се добро да ја проветрите кујната. Мирисот на преостанатата храна може да го зголеми апетитот, па затоа е пожелно и неопходно низ оваа просторија редовно да тече свеж воздух.
Ако преферирате да јадете и да гледате телевизија во исто време, ќе јадете повеќе храна, а тоа е потврдено со бројни студии. За време на оброкот треба да се фокусирате на внесувањето храна, да јадете полека и смирено.