Процесот на дишење практично поминува незабележано во нашето секојдневие, а да не беа науката и медицината, немаше ни да бидеме свесни за многу работи.
Па, одамна е утврдено дека всушност дишеме дури 75 проценти преку едната ноздра, додека само 25 проценти од дишењето го прави другата. И не, ова не се однесува на тој досаден момент на настинка или алергија кога ни е затнат носот, туку на нормално и здраво секојдневно дишење.
На луѓето им се потребни две за видот, звукот и мирисот, затоа имаме пар очи, две уши и две ноздри. Нашите ноздри се одделени со преграда, поточно рскавица, која всушност ни дава „два носа“.
Поголемиот дел од времето, едната ноздра пропушта помалку воздух од другата, а протокот на воздух се менува на секои неколку часа. Побавниот проток на воздух е предизвикан од отекување на внатрешното ткиво со зголемен проток на крв.
Мирисаме користејќи сетилни клетки високо во носот, а на некои хемикалии за мирис им треба подолго време од другите да се врзат за овие рецептори. Значи, ноздрата со помал проток на воздух им дава на мирисите со бавно дејство повеќе време за откривање, поради што имаме поголем опсег на мириси.
Во секој момент, ако дишете низ нос, едната ноздра добива лавовски дел од воздухот, додека мала количина поминува низ другата. Ова се нарекува назален циклус, односно процес на наизменична работа.
Ова го регулира вашиот автономен нервен систем, кој се грижи за телесните функции како што се отчукувањата на срцето и варењето, пишува vernonmorningstar.com.