Curve cut фризурата или C-облик ќе биде една од најпопуларните фризури за претстојната 2023 година.
Фризурата е посебна по слоевите кои се малку заоблени, паѓаат и ги покриваат образите, брадата – сè до клучната коска, каде на совршен начин го врамуваат лицето. Не се меки само слоевите што го врамуваат лицето, туку и прамените што паѓаат преку грбот.
Исто така, споменатата фризура многу потсетува на онаа што беше популарна во седумдесетите и деведесеттите години на минатиот век.
Косата се истакнува со заоблени слоеви, а и самата изгледа погуста. Кога станува збор за стилизирање, можете да ја оставите вашата коса да се исуши природно или да ја обликувате во бранови. За навистина да ја истакнете формата, се препорачува да ја фенирате косата со овални четки, пренесува „Супержена“.